दर्जानी चिन्हसँगै डिआईजी अधिकारी आर्थिक प्रशासनमा

१० मङ्सिर 

बुधबार २०८२

ब्रेकिङ न्युज ।

काठमाडौं,नेपाल प्रहरीका डीआइजी विश्व अधिकारी आर्थिक प्रशासन तथा प्रबन्ध निर्देशनालयमा पदस्थापन भएका छन्। सोमबार गृहमन्त्रीस्तरबाट उनको बढुवा र पदस्थापनको निर्णय भएपछि बुधबार प्रहरी महानिरीक्षक दानबहादुर कार्कीले प्रहरी प्रधान कार्यालयमा उनलाई दर्जानी चिन्ह सुशोभित गरेका हुन्।

अधिकारी आफ्नो ब्याचका नम्बर–१ एसएसपी भए पनि तत्कालीन आइजिपी चन्द्रकुबेर खापुङले गत महिनाको बढुवामा उनलाई छुटाएका थिए। नेतृत्व परिवर्तनसँगै नयाँ आइजिपी आएलगत्तै अधिकारीको बढुवा खुलेको हो।

यसअघि निर्देशनालयका डीआइजी बिनोद घिमिरे कोशी प्रदेशमा सरुवा भएपछि त्यहाँको दरबन्दी रिक्त बनेको थियो। सोही रिक्त दरबन्दीमा अब डीआइजी विश्व अधिकारीले आर्थिक प्रशासन तथा प्रबन्ध निर्देशनालयको जिम्मेवारी संभाल्ने छन्।