सचेत नागरिक समूह कपिलबस्तुद्वारा भ्रष्टाचार विरुद्ध जनदवाव कार्यक्रम सम्पन्न

२०८० जेष्ठ ७ आइतबार 

कपिलवस्तु ,

भ्रष्ट्राचार बिरुद्ध जनदवाब स्वरुप सचेत नागरिक समुह कपिलवस्तुले शनिबार बिरोध तथा खबरदारी कार्यक्रममा प्लेकार्ड देखाउँदै र्याली गरी कोणसभामा परिणत गरी सम्पन्न गरेको छ ।

कपिलवस्तुको बुद्धभुमि नगरपालिका स्थित गोरुसिँगेमा जम्मा भएका सचेत नागरिक समुहका युवाहरुले स्थानीय तह देखि केन्द्र सरकार सम्म नै भ्रष्टाचार बिरुद्ध जनदवाब दिनुपर्ने बताएका छन् ।

बुद्धभुमि नगरपालिका वडा नम्बर २ स्थित गोरुसिँगेको लुम्बिनी होटल अगाडीबाट र्याली सुरु भई सर्पदशं उपचार केन्द्र सम्म पुगि कोणसभा गरिएको थियो । उक्त कोणसभामा सहभागीहरुले हातमा प्लेकार्डहरु बोकेका थिए । जसमा उनीहरुले भ्रष्टाचारीलाई कार्वाही गर, राम्रो कामलाई सधै साथ प्रहरी प्रशासनलाई धन्यवाद, नक्कली भुटानी शरणार्थी प्रकरणमा संलग्नलाई राष्ट्रिय ठगहरुलाई कार्वाही गर, स्थानीय देखि केन्द्र सम्मका जनप्रतिधि र कर्मचारीहरुको सबैको सम्पति सार्वजनिक गर, सबैखाले भ्रष्टाचार र कालो बजारीयालाई कार्वाही गर लगाएत नारा लेखिएका प्लेकार्ड प्रर्दशन समेत गरेका थिए ।

अहिले देशमा भ्रष्टाचार र भ्रष्टाचारी आतंक बढीरहेको र यसले सामान्य निमुखा नागरिकहरु दिन प्रतिदिन गरिब भइरहेको भन्दै जनदबाव सिर्जना गर्न यो बिरोध गरिएको र यो एउटा आगोको झिल्का मात्र हो अझै पनि नसच्चिए थप संघर्षका कार्यक्रममा उत्रने भन्दै बिरोध प्रर्दशनमा सहभागी कार्यक्रम संयोजक रविन न्यौपानेले बताए ।

कार्यक्रम सञ्चालक कमल भट्टराईले भ्रष्टाचार गर्ने जो कोही भएपनि पनि कार्वाहीको दायरामा आउनुपर्ने र प्रहरी प्रशासनलाई नेपाली जनताको साथ रहेको हुँदा कसैको दबाब र प्रलोभनमा नपरी जोसुकै भ्रष्ट र कालोबजारीया भएतापनि कारवाही गर्न माग गरेका थिए ।

उक्त जनदवाव कार्यक्रममा रुपकराज खनाल, रमेशचन्द्र भुषाल, मधव पराजुली, रबि ठाकुर,मोहन केवट, दुर्गा अधिकारी लगाएतले सम्बोधन गरेका थिए ।