यात्रुबाहक बस र ट्रक एकआपसमा ठोक्किदा एक जनाकाे घटनास्थल मै मृत्यु

शनिबार ८ आश्विन, २०७९ लक्ष्मी खनाल 69312

कपिलवस्तु, असोज ८ शनिबार

कपिलवस्तुको बुद्धभूमि नगरपालिका ४ बुड्ढी महेन्द्र राजमार्गमा यात्रुबाहक बस र ट्रक ठक्कर हुँदा एक जनाको घटना स्थलमै मृत्यु भएको छ भने ४९ जना यात्रुहरु घाइते भएका छन् ।

काठमाडौं बाट दाङतर्फ जाँदै गरेको ना७ख ५९५९ नम्बरको बस र ना५ख ५६६५ नम्बरको ट्रक दिउँसो ३ बजे एक आपसमा ठोक्किएको जिल्ला ट्राफिक प्रहरी कार्यालय कपिलवस्तुले जनाएको छ ।

ट्राफिक प्रहरी प्रमुख निरीक्षक योगेन्द्र तिमिलसिनाले मृत्यु हुने महिलाको हालसम्म सनाखत भई नसकेको जानकारी दिनुभयो ।

घाइतेमध्ये २० जनाको स्थानीय बुद्धपोली क्लिनिक र ११ जनाको कपिलवस्तु अस्पतालमा उपचार भइरहेको उहाँले बताउनु भएको छ ।